Zbardhet Kosova, bie bora e parë
Mëngjesi i sotëm Kosovën e ka zbardhur me një pamje tjetër.
Bora e parë që ka rënë gjate natës dhe po vazhdon edhe këtë mëngjes e ka mbuluar Kosovën.
Megjithatë, kjo borë e hershme po shihet si e rrallë.
Meteorologu Besim Aliu ka thënë se Instituti Hidrometeorologjik i Kosovës nuk kishte regjistruar paraprakisht se do të kishte reshje bore.
Në emisionin “Ora Shtatë” në Klan Kosova, ai ka thënë këto fenomene ndodhin kur vera është shumë e nxehtë.
“Duke shikuar statistikat e Institutit Hidrometeorologjik, rreth reshjeve të borës këtë fillim tetori instituti nuk ka pasur shënime, pra nuk i kemi pasur të regjistruara. Por këto fenomene ndodhin kur vera është shumë e nxehtë”, ka thënë Aliu.
