“Xiuuu”: Pamje të lojërave të vjetra popullore me goditje në të buta, fotoja e Titos në odë
Radiotelevizioni i Kosovës ka publikuar pamje të lojërave popullore nga viti 1981. Në njërën prej lojërave, një burrë shihet duke e goditur një tjetër në të ndenjura, përderisa të dy janë shtrirë në dysheme dhe i kanë ngatërruar këmbët.
Në një pjesë tjetër të videos, një burrë shihet duke qëndruar duke u mbajtur me të dyja duart në një pajisje druri, pa lejuar që ndonjë pjesë tjetër e trupit t’i prekë në dysheme.
Në një lojë tjetër, dy burra shihen të kapur për krahësh e duke u lëkundur në dysheme.
Më pas, disa burra shihen në rrugë teksa e godasin njëri-tjetrin me shqelma.
Në një lojë tjetër, një burrë qëndron mes dy të tjerëve dhe i godet në shuplakën e dorës, pastaj përkulet shpejt për ta shmangur goditjen nga ta. Ndërkohë dëgjohet duke e nxjerrë nga goja tingullin “xiuuu”.
Në murin e odës ku po luheshin lojërat shihet fotografia e ish-udhëheqësit jugosllav, Josip Broz Tito.
Për më shumë, shikojeni videon e publikuar nga televizioni publik.
