Xhaferi: Qeveria po na bllokon, s’na ka përkrahur për projektet rrugore
Krenar Xhaferi, drejtor i Investimeve Kapitale në Komunën e Prishtinës ka kritikuar Qeverinë e Kosovës për mospërkrahjen për investimet në disa projekte rrugore.
Ai për Ekonomia Onlineka numëruar disa nga projektet rrugore me të cilat kanë kërkuar ndihmë nga Qeveria Kurti.
“Ne kemi kërkuar që në rrugën A të na ndihmojnë, në nënkalimin e rrugës A më Veternikun, 1 milionë e 300-400 euro, vlera investimeve që e ka ndarë qeveria në vitin 2024 ne kemi diskutime të cilat i kemi bëre më Ministrinë e Infrastrukturës kanë thanë që kjo mundet me u zhvendos, mundet me ndryshua, se sa ndryshohet pritet pastaj të shohim. Në pjesën ku tani ekziston buxheti aq është vlera dhe ne duhet t’i besojmë numrave, në anën tjetër ne kemi kërkuar përkrahjen nga niveli qendror për rrugën Bajram Bahtiri, për Llukar, është një rrugë magjistrale e cila e lidhe hyrjen e Prishtinës në drejtim të Gollakut, dhe atë pjesë kemi kërkuar përkrahjen, kemi kërkuar edhe mbi Gorenje, është një tollovi jashtëzakonisht e madhe ku hynë në rrugën, Nekibe Kelmendi, aty kemi bëre projektin e rreth rrotullimit lidhet më rrugën regjionalë, dhe kemi kërkuar përkrahje që në atë segment të bashkë investojmë. Ne kemi të ndamë mbi 1 milionë euro edhe ata një 1 milion euro që të kemi një bashkë investim që ta zhvendosim kolonën, është rrugë e ministrisë për këtë arsye në nuk mund të ndërhyjmë në rrugë të ministrisë dhe kemi kërkuar bashkë investim edhe në atë projekt, edhe në unazën e qytetit kemi kërkuar, kemi kërkuar projekte të cilat i kemi bëre projektet, i kemi prezantuar para kryeministrit, dhe këto projekte nuk kanë marrë përgjigje e merituar.” – ka thënë ai.
Më tej, ai ka thënë se Komuna e Prishtinës nuk pret asgjë nga niveli qendror.
“Prishtina nga niveli qendror nuk pret asgjë, pret bllokadë në stilin e bllokadave që i kemi përjetuar në bartjen e mjeteve, që nuk janë korrekte aspak. Ndërsa Prishtina pret zhvillim të projekteve të mëdha, përmbylljen e unazës së brendshme të qytetit, përmbylljen e rrugës A, përmbylljen e rrugës B, platforma nga pallati i Rinisë në drejtim të Lagjes Arbëria, ne e kemi planë investim në vitin 2024, e kemi tunelin Agim Ramadani, janë shumë projekte të mëdha dhe kemi shumë projekte të tjera të vogla të cilat do të zhvillohen” - u shpreh ai.
