Warren Buffett vendos të tërhiqet nga posti i CEO-së së Berkshire Hathaway

Warren Buffett ka njoftuar se do të tërhiqet nga posti i shefit ekzekutiv të Berkshire Hathaway në fund të këtij viti.

Investitori veteran i tha mbledhjes vjetore të kompanisë së tij se do t’ia dorëzonte drejtimin Nënkryetarit Greg Abel.

"Mendoj se ka ardhur koha që Greg të bëhet shefi ekzekutiv i kompanisë në fund të vitit," tha Buffett, 94 vjeç.

Z. Buffett, i cili e ndërtoi Berkshire Hathaway nga një prodhues tekstili në rënie në një gjigand investimesh me vlerë 1.16 trilionë dollarë (870 miliardë paund), konsiderohet ndoshta si investitori më i suksesshëm në botë.

Pas një duartrokitjeje në këmbë nga rreth 40,000 të pranishëm, ai bëri shaka: "Entuziazmi që u tregua nga ajo përgjigje mund të interpretohet në dy mënyra."