VV-ja ankohet se është i lartë buxheti prej 30 mijë eurove për Komisionin për Rezervat Shtetërore
Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, në mbledhjen e mbajtur sot kanë diskutuar për punën e caktimit të buxheti për punën e këtij komisioni.
Siç raporton EO, buxheti i propozuar ishte 30 mijë euro, mirëpo pas kërkesës së deputetëve të Vetëvendosjes kjo shumë është ulur në 26 mijë e 950 euro.
Deputetja Doarsa Kica-Xhelili ka thënë se në buxhet përfshihen edhe kompensimet për ekspertë.
“Nuk di si mund t’i reduktojmë sepse janë ekspertiza të shtrenjta. Nëse ka mbetur te byfeja, hiç s’ka problem. Kafet i blejmë vetë.” – ka thënë ajo.
