Vrasja e veprimtarit Enver Hadri, u konfirmohet dënimi vrasësve të tij

Gjykata Penale në Bruksel ka konfirmuar të martë fajësinë për dy të dyshuarit për vrasjen e aktivistit shqiptar nga Kosova, Enver Hadri.

Njoftimin e ka bërë familja e Hadrit, duke theksuar se ky dënim nuk do ta fshië humbjen e tij.

“Ky vendim gjyqësor nuk mund të fshijë humbjen e babait tim apo vitet e vuajtjeve të shkaktuara ndaj familjes sime, por ai përfaqëson shumë më tepër se një aktgjykim. Ky është një dënim i qartë dhe i prerë për një krim shtetëror të motivuar politikisht, që shkeli në mënyrë flagrante të drejtat e njeriut të shqiptarëve të Kosovës gjatë viteve ’80-’90” – ka shkruar vajza e Hadrit, Teuta.