Votat e diasporës | KQZ-ja ngatërron emrat e partive, përveç VV-së: Çka ndodhi mbrëmë?
Në procesi i numërimit të votave nga përfaqësitë diplomatike të Kosovës mbrëmë ka ndodhur një veprim i çuditshëm.
Në platformën e Komisionit Qendror të Zgjedhjeve, ku tregohej rezultati i kwtij votimi, rreth orës 23 janë ngatërruar emrat e subjekteve politike.
Përveç Lëvizjes Vetëvendosje, logove të partive tjera u ishin ndryshuar emrat.
Te logo e PDK-së ishte vendosur emri i partisë PAI-PDAK-LPB.
LDK-së i ishte vendosur emri i Partisë Balli Kombëtar Demokrat Shqiptar.
Ndërsa logos së AAK-së i ishte vendosur Iniciativa e Re Demokratike e Kosovës.
Aty figuron edhe Nisma Socialdemokrate, e cila nuk ka garuar fare në zgjedhjet e 7 qershorit.
Nuk dihet nëse ky ishte një gabim teknik, apo huqje e qëllimshme.
KQZ deri me tani nuk ka dhënë ndonjë sqarim.
