Veliu: Trendet tregojnë se Qeveria është në rënie - Gërvalla s'është kompetente për diplomaci
Deputeti i Lidhjes Demokratike të Kosovës [LDK], Agim Veliu në një intervistë për Ekonomia Online ka thënë se të gjitha trendet po tregojnë që Qeveria Kurti është në rënie.
Veliu ka thënë se nuk ka ndonjë punë konkrete nga Qeveria Kurti dhe se VV ka ardhë në pushtet me thirrje boshe duke mashtruar qytetarët.
“Të gjitha trendet po tregojnë se kjo Qeveri është në rënie. Nuk ka ndonjë punë konkret me përjashtim të parullave me të cilat ka ardhur në pushtet, parullave boshe, luftës kundër korrupsionit e çështjeve tjera. Kanë qenë mashtrim për qytetarët. Ata po e shohin se kjo Qeveri nuk është e aftë që t’i kryejë detyrat me të cilat ballafaqohet dhe detyrat që kërkohen nga kjo Qeveri”, ka thënë ai.
Ish-Ministri i Brendshëm, ka thënë se edhe në diplomacin kosovare ka pasur skandale duke nënvizuar se minsitrja Donika Gërvalla nuk është kompetente.
“Nuk janë bërë veprimet e duhura. Ka pasur shumë skandale edhe në diplomacinë e jashtme. Aty është një ministre që nuk është kompetente për atë çështje dhe nuk ka bërë asnjë veprim me përjashtim të skandaleve që tashmë janë të njohura për publikun. Pyetne Qeverinë pse s’kemi njohje, pyetni ata që janë kompetent”, ka thënë ai.
