Veç katër muaj pas emërimit, jep dorëheqje Bejta si anëtare e OShP-së
Portali Koha ka raportuar se një nga anëtarët e OShP-së (Organi Shqyrtues i Prokurimit) ka dhënë dorëheqje.
Bëhet fjalë për anëtaren me emrin Nita Bejta.
Ajo i ka konfirmuar mediumit në fjalë se ka dhënë dorëheqje “për arsye personale”.
“Po (kam dhënë dorëheqje). Për arsye personale, nuk ka pasur ndonjë gjë që lidhet me ndonjë rast, jo.” – ka thënë ajo.
Bordi i OShP-së ishte zgjedhur gjatë muajit qershor në Kuvend. Ndërkohë, kishte pasur kritika të shumta ndaj pushtetit për neglizhencë në rastin e mos-zgjedhjes së bordit të këtij Organi.
