Vdes punëtori i KEK-ut pas lëndimit në vendin e punës
Ka vdekur punëtori i KEK-ut, Milazim Binaku, i cili ishte lënduar rëndë gjatë punës në Kosovamont, pjesë e Korporatës Energjetike të Kosovës.
Sindikata e KEK-ut njoftoi se ai u nda nga jeta një javë pas aksidentit. “U nda nga jeta shoku, kolegu dhe bashkëpunëtori ynë i nderuar, Milazim Binaku”, thuhet në njoftim.
Binaku, 60-vjeçar, ishte goditur në kokë nga një mjet i fortë dhe po trajtohej në kujdes intensiv në QKUK.
