Vdes Elfije Sherifi, zëdhënëse e klubit Drita
Ka vdekur Elfije Sherifi, zëdhënëse e klubit futbollistik, Drita.
Lajmi është bërë me dije nga FC Drita, në një njoftim të publikuar në rrjete sociale.
“Elifja ishte një profesioniste e shquar në fushën e gazetarisë dhe një adhuruese e flaktë e klubit tonë, shumë kohë përpara se të merrte detyrën e zëdhënëses së klubit, pozitë të cilën e mbajti me përkushtim për më shumë se gjashtë vite.
Puna, përkushtimi dhe dashuria e saj për klubin do të mbeten gjithmonë pjesë e kujtimeve tona” – thuhet në njoftim.
