Vdekja e ish-presidentit amerikan, ambasada në Prishtinë e ul flamurin në gjysmështizë

Ambasada e Shteteve të Bashkuara të Amerikës në Prishtinë ka ulur në gjysmështizë flamurin amerikan, në Ditën e Zisë pas vdekjes së presidentit Jimmy Carter.

Në një foto të publikuar në rrjetin social Facebook, ambasada ka shkruar:

“Flamuri në Ambasadën e SHBA-së në Prishtinë po valëvitet në gjysmështizë sot teksa kremtojmë Ditën Kombëtare të Zisë për të nderuar Presidentin e 39-të të Shteteve të Bashkuara, James Earl Carter Jr”.