Trump dhe Starmer diskutojnë përpjekjet për t’i dhënë fund konfliktit me Iranin
Kryeministri britanik Keir Starmer ka biseduar të shtunën me presidentin amerikan Donald Trump për përpjekjet e tij për t’i dhënë fund konfliktit me Iranin, sipas një njoftimi për bisedën të publikuar nga zyra e kryeministrit, shkruan CNN.
Starmer theksoi rëndësinë që “çdo marrëveshje të sigurojë një paqe të qëndrueshme dhe afatgjatë”.
Gjatë bisedës, Starmer “ritheksoi se Mbretëria e Bashkuar është e gatshme të mbështesë zbatimin e çdo marrëveshjeje paqeje dhe të punojë me partnerët ndërkombëtarë për të siguruar suksesin e saj”.
Dy liderët ranë dakord të qëndrojnë në kontakt përpara samitit të Grupit të Shtatë, që mbahet javën e ardhshme, tha një zëdhënës i Downing Street.
