Tre persona të arrestuar për shitje narkotikësh në Suharekë
Tre persona janë zënë në flagrancë gjatë një aksioni të Njësisë Antidrogë në Suharekë, ka konfirmuar kryeprokurori i Prizrenit, Petrit Kryeziu.
"Janë arrestuar tre persona, të kapur në flagrancë me aplikimin e masave të veçanta hetimore, për shitje të narkotikëve," tha Kryeziu.
Gjatë aksionit u sekuestruan sasi të narkotikëve të llojit kokainë dhe marihuanë, armë zjarri, para të gatshme, si dhe dy vetura që dyshohet se janë përdorur si mjete për kryerjen e veprës penale.
