Theret me thikë një person në Deçan, dërgohet në QKUK, i dyshuari u arrestua

Një person është therur me thikë gjatë ditës së dielë në rrugën “Luan Haradinaj” në Deçan.

Viktima është dërguar për trajtim në QKUK në Prishtinë.

Driton Rugova, zëdhënës i policisë për rajonin e Pejës, konfirmoi për Nacionalen arrestimin e personit të dyshuar lidhur me rastin.

Rugova tha për Nacionale se i dyshuari tentoi ikjen, por i njëjti u arrestua dhe iu konfiskua thika.

"Sot rreth orës 13:45, Policia është informuar për një incident i cili ka ndodhur në rrugen ” Luan Haradinaj” në Deçan.

Policia menjëherë ka dalë ne vendin e ngjarjës, aty kuptohet se i dyshuari e ka sulmuar me mjet të mprehtë ( thikë) viktimen, viktima është dërguar në Spitalin Rajonal në Pejë e më pas për shkak të gjendjës së tij në QKUK-Prishtinë, për tretman mjekësor, personi i dyshuar ka tentuar të largohet nga vendi i ngjarjës mirëpo është arrestuar nga Policia, gjithashtu mjeti me të cilin dyshohet së është kryer vepra është sekestruar, i njejti me vendim të Prokurorit të shtetit është ndaluar për 48-orë, ndërsa rasti cilësohet ” Vrasje në Tentativë”. – ka thënë zëdhënësi Rugova.