Tërmkolli: Prapa tërheqjes së Albin Kurtit në veri qëndrojnë shumë vendime të gabuara
Ish-deputetja e Kuvendit të Kosovës, Melihate Tërmkolli, ka akuzuar kryeministrin aktual, Albin Kurti, se është tërhequr nga çdo vendim dhe veprim në lidhje me veriun e Kosovës.
”Në emër të mbrojtjes së sovranitetit me këto fjalët e mëdha, merrni shikone çdo veprim të Albin Kurtit në veri ka tërheqje, në këtë tërheqje ka vendime shumë të gabuara. Edhe këtë punën e bashkëpunimit keni mbërri me ia dhënë një kuptim tjetër. Bashkëpunimi dhe dëgjueshmëria dallojnë shumë”, ka deklaruar Tërmkolli.
Më tej, ajo ka deklaruar se konsideron që "detyrë urgjente mbetet rikthimi i raporteve me Shtetet e Bashkuara dhe Perëndimin në përgjithsi".
