Tërmet në Shqipëri

Një tërmet me magnitudë 4.4 të shkallës Rihter u regjistrua në orët e para të mëngjesit të së martës në Shqipëri.

Lëkundjet raportohet se u ndjenë rreth orës 05:04, pranë qytetit të Krujës, rreth 16 kilometra larg Tiranës.

Sipas të dhënave nga EMSC, tërmeti kishte një thellësi prej vetëm 5 kilometrash.

Pas goditjes kryesore, janë regjistruar disa paslëkundje, me magnitudë rreth 2.2.