Tentim vrasje në Deçan, policia jep detaje

Një tentim vrasje është raportuar sot në Deçan, ku një person ka shtënë me armë zjarri në drejtim të një personi tjetër.

Ngjarja ka ndodhur në rrugën “Dëshmorët e Kombit”, në afërsi të një lokali.

Zëdhënësi i Policisë së Kosovës për rajonin e Pejës, Fadil Gashi, ka bërë të ditur për Gazetën Nacionale se, për fat të mirë, asnjë person nuk është lënduar.

“Sot rreth orës 15:00, Policia në stacionin policor në Deçan është njoftuar se në rrugën ‘Dëshmorët e Kombit’ ka pasur të shtëna me armë zjarri. Policia ka dalë menjëherë në vendin e ngjarjes dhe ka konfirmuar se një person ka shtënë me armë zjarri në drejtim të një personi tjetër. I dyshuari është i njohur për policinë dhe dihet identiteti i tij, por ai është larguar nga vendi i ngjarjes. Në vendngjarje kanë dalë të gjitha njësitë kompetente për të hetuar rastin,” – ka deklaruar Gashi.