Telefonata "fol çka po kërkon" e Konjufcës ndaj Gani Gecit, Pacolli: Praktikë e shëndetshme demokratike

Deputetja e Lëvizjes Vetëvendosje, Fitore Pacolli, ka dalë në mbrojtje të telefonatës së Glauk Konjufcës ndaj Gani Gecit për t’i kërkuar votën e vajzës së tij – deputetes së LDK-së, Marigona Gecit – për postin e kryeparlamentarit.

Pacolli e sheh situatën “krejtësisht legjitime” dhe “të pranueshme” që opozitës t’i kërkohet mbështetje – madje edhe individualisht.

Gani Geci ka deklaruar në emisionin “Debat Plus” se një ditë para seancës së parë të Kuvendit, ish-kryetari i Kuvendit dhe njëherit deputet i Lëvizjes Vetëvendosje, Glauk Konjufca, e ka kontaktuar personalisht për t’i kërkuar votën e deputetes Marigona Geci në mbështetje të qeverisë së Albin Kurtit.

“Ka pasë nga sekserët e LVV-së. Një prej deptetëve të LVV-së të rrethit të Prizrenit dhe ish-kryetari i Kuvendit të LVV-së, me datën 14, një ditë para seancës së parë me ka thirrë dhe me ka thanë çka po kërkon që me na votu qeverinë e Albin Kurtit.” - tha ai