Tekstet e subvencionuara, radhë të gjata në qendrën tregtare në Breg të Diellit
Në qendrën tregtare në Bregun e Diellit është krijuar tollovi nga fluksi i madh i prindërve për të blerë libra për fëmijët e tyre.
Edhe për vitin shkollor 2024/2025, prindërit po përballen me barrën e ndërlikuar të blerjes së librave për fëmijët e tyre.
Me vendimin e njëjtë edhe këtë vit, MAShT-i ka rikthyer burokracitë e vitit të kaluar në lidhje me mbulimin e kostos së teksteve shkollore dhe materialeve mësimore për nxënësit. Procesi përfshin transferimin e fondeve drejtpërdrejt në llogaritë bankare të prindërve.
