Të gjithë pozitiv në testet e drogës: Tempulli në Tajland mbetë pa asnjë murg

Një tempull i vogël budist në Tajlandë ka mbetur pa asnjë murg pasi të gjithë u pushuan nga puna pasi dështuan më testin e përdorimit të drogës, thanë zyrtarët lokalë, raporton BBC.

Katër murgj, përfshirë abatin, rezultuan pozitivë për metamfetaminën në provincën veriore të Phetchabun, tha një zyrtar për agjencinë e lajmeve AFP.

Boonlert Thintapthai tha se murgjit u dërguan më pas në një klinikë shëndetësore për t'iu nënshtruar rehabilitimit nga droga. Bastisja vjen pas një fushate kombëtare kundër trafikut të drogës.

Murgjit thuhet se u hoqën nga tempulli pasi policia administroi testet e urinës. Zyrtarët nuk thanë se çfarë e kishte sjellë tempullin në vëmendjen e policisë.

“Tempulli tani është bosh nga murgjit dhe fshatarët e afërt janë të shqetësuar se nuk mund të bëjnë asnjë meritë", tha një zyrtar tajlandez.

Viteteve të fundit, metamfetamina është bërë një çështje kryesore në Tajlandë, pasi konfiskimet e drogës kanë arritur nivelin më të lartë në vitin 2021, sipas Zyrës së OKB-së për Drogën dhe Krimin.

Vendi është një pikë kryesore tranziti për metamfetaminën. Droga vërshon në vend nga Myanmar - prodhuesi më i madh në botë i metamfetaminës - nëpërmjet Laosit.

Pilulat më pas shiten në rrugë me një vlerë prej rreth 50 baht (0,47 cent).