Takimi i thirrur nga Kurti – liderët e partive ende në diskutime edhe pas më shumë se një ore
Prej më shumë se një ore, liderët kryesorë të partive politike janë mbledhur në një takim të ftuar nga kreu i Lëvizjes Vetëvendosje, Albin Kurti, me qëllimin për të gjetur një rrugëdalje nga bllokada institucionale që po e mban vendin në ngërç politik.
Ky takim zhvillohet në sfondin e një aktgjykimi të fundit të Gjykatës Kushtetuese, e cila theksoi se Kuvendi i Kosovës duhet të konstituohet brenda një afati prej 30 ditësh nga dita e konstituimit të mëhershëm.
Në tryezën e diskutimeve po marrin pjesë edhe kryetari i PDK-së, Memli Krasniqi, së bashku me deputeten Vlora Çitaku, si dhe lideri i LDK-së, Lumir Abdixhiku, që shoqërohet nga shefja e grupit parlamentar, Hykmete Bajrami. Ndërkohë, Aleanca për Ardhmërinë e Kosovës është përfaqësuar nga deputetja Time Kadrijaj.
