Tahiri, për Kurtin: S'e dëshiron pataten e nxehtë; ndau votimin te minoritetet sepse s'i ka numrat për qeveri

Deputeti i Partisë Demokratike të Kosovës (PDK), Abelard Tahiri, tha se deputeti i Vetëvendosjes, Albin Kurti e ndau qëllimshëm votimin për nënkryetarët e pakicave, për të krijuar precedent të ri në Kushtetuese.

Ky veprim, sipas Tahirit, vjen pasi Kurti “nuk i ka numrat për qeverinë e re”.

“Pse iu deshtë që të ndajë votimin te minoritetet, sepse nuk i ka numrat për qeveri dhe nuk e dëshiron pataten e nxehtë në duart e tij, sepse kriza reale është nëse mund ta krijojë Kurti qeverinë,” tha Tahiri në RTK Prime.