Subvencionimi i teksteve, PDK-ja e akuzon ministren Nagavci për keqpërdorim
Anëtarët e Komisionit Hetimor për subvencionim të teksteve shkollore nga PDK-ja, Ardian Kastrati dhe Bekim Haxhiu, e kanë kundërshtuar vendimin e MASHTI-it për subvencionimin e teksteve shkollore.
Deputetët e PDK-së kanë bërë me dije se ministrja e Arsimit, Arbëri Nagavci, e ka shkelur ligjin.
Në një konference për media, nënkryetari i këtij komisioni, Ardian Kastrati, ka ngritur dyshime për jepje te tenderëve për kompaninë “Albas”.
“Kemi të bëjmë me një pushtet të përgjegjshëm dhe merr vendim të papërgjegjshme. Nagavci duke shkelur ligjin për subvencionimin e teksteve shkollore. Kjo është një shkelje e rëndë dëshirojnë të tërheqin vëmendje në këtë trajektore që themi është një shkelje ligjore. Kemi zënë Nagavcin duke vjedh vota, ligjin për tekste dhe nuk ka pasur kuorum. Në te kaluarën Nagavci është paguar nga shtëpia botuese ‘Albas’, pikërisht kjo kompani i ka shumëfishuar tenderët e teksteve shkollore. Ju e dini se çfarë kaosi ka shndërrua vendimi për subvencionimin e teksteve shkollore. Në kohën kur kemi qenë në pushtet më 20 gusht tekstet kanë qenë veçse të gatshme. Ndërsa tash ka raste që është përfunduar viti shkollor pa tekste shkollore.”, tha Kastrati.
Ai tha se me këtë subvencionim Nagavci po përdor “dhunë psikike”, duke shtuar se kjo i ka prekur prindërit në buxhetin e tyre.
“Nagavci ka përdorur dhunë psiqike prindërve për tu pajisur me libra. Përgjegjës është Albin Kurti, për shembull gruaja e Kurtit a do të kishte pritur në 30 gradë nëpër librari. Vendimet e tij e prekin drejtpërdrejte qytetarin. I ka goditur edhe në buxhet prindërit dhe jo rastësisht ishte dështuar që veprimet e Kurtit t’i përjetojë familja e Albin Kurtit. Vetë Nagavci ka deklaruar se vitin e kaluar janë shpenzuar 4 milionë e 800 mijë, këta me ndërrimin e subvencionimit kanë shpenzuar 11.6 milionë euro, kurse janë 100 mijë nxënës më pak. Ku janë shkuar të gjitha këto para, janë humb miliona dhe po humbasin shumë nxënësit dhe prindërit.”, tha nënkryetari Kastrati.
Ndërsa, anëtari i komisionit Bekim Haxhiu, tha se Nagavci me ketë po e shkel ligjin, dhe se ky veprim është keqpërdorim dhe zhvatje e buxhetit të shtetit.
“Ndjejmë keqardhje që Nagavci është bërë recidiviste. Nëse e lexoni ligjin e arsimit e shihni që fjala subvencionim nuk ekziston por kjo është blerje e librave. Kjo është shkelje ligjore dhe keqpërdorim i buxhetit. Nëse të gjithë nxënësit do të subvencionohen, atëherë i bie vetëm nga klasa e parë deri në të pestën, 9 milionë e 531 mijë euro, kurse klasat e ciklit më të lartë prej 10 milionë e 592 mijë që i bie në total të gjithë nxënësit do të paguajnë me 20 milionë euro. Kjo është keqpërdorim dhe zhvatje e shtetit. E kemi vërejtur diferencën e këtij profiti që nuk kushtojnë njëjtë librat si ata të klasës së parë dhe ata në klasën e pestë dhe kjo bënë dëm për prindërit. Shumica e librarive vitin e fundit janë futur në TVSH, duke ndikuar në rritjen e çmimit të kostos së buxhetit te shtetit. Ende vazhdon zhvatja e buxhetit të shtetit”,
