Starmer: Avionët britanikë janë në qiell

Kryeministri i Mbretërisë së Bashkuar, Keir Starmer, tha se avionët britanikë janë “në qiell” në Lindjen e Mesme për të marrë pjesë në përpjekje të koordinuara mbrojtëse për të mbrojtur interesat e vendit dhe aleatët e tij.

Në një fjalim të transmetuar të shtunën, Starmer theksoi se Britania “nuk ka luajtur asnjë rol” në sulmet e përbashkëta SHBA-Izrael ndaj Iranit, por shtoi se forcat e vendit të tij janë aktive në rajon.

“Avionët britanikë janë në qiell sot si pjesë e operacioneve të koordinuara mbrojtëse rajonale për të mbrojtur popullin tonë, interesat tona dhe aleatët tanë,” tha Starmer, sipas CNN.

Ai bëri thirrje ndaj Iranit që të përmbajë sulmet e mëtejshme në Lindjen e Mesme, të heqë dorë nga programi i armëve dhe të ndalojë “dhunën e tmerrshme dhe shtypjen ndaj popullit iranian”.