Spahiu: Qeveria e Kosovës s’ka qëllime shtypëse ndaj serbëve

Nexhmedin Spahiu, analist, ka shkruar nëj status në të cilin ka krahasuar jetën e minoriteteve në Kosovë e Shqipëri me atë në Serbi e Greqi.

Sipas Spahiut Kosova dhe Shqipëria nuk kanë ndonë qëllim shtypës ndaj minoriteteve, ndonëse ka shkruar se qeveritë e dy vendeve keqqeverisin me shumicën dhe me minoritetet.

“Problemet që ka minoriteti grek në Shqipëri dhe minoriteti serb në Kosovë janë të së njëjtës natyrë. Qeveritë në Kosovë e Shqipëri nuk kanë qëllime asgjësuese apo shtypëse ndaj këtyre minoriteteve, por duke qenë se keqqeverisin me popullin e vet (shqiptarët), rrjedhimisht keqqeverisin edhe me minoritetet.” – shkroi ai ndër të tjera.