Sorensen takon Vuçiqin: Diskutuam hapa konkretë për normalizimin e raporteve me Kosovën
Emisari i Bashkimit Evropian për dialogun mes Kosovës dhe Serbisë, Peter Sorensen, ka bërë të ditur se është takuar me presidentin serb, Aleksandar Vuçiq, gjatë qëndrimit të tyre në konferencën GLOBSEC.
Përmes një njoftimi në platformën X, Sorensen ka bërë të ditur se biseda me Vuçiqin është përqendruar në hapat konkretë që duhet ndërmarrë për të çuar përpara procesin e normalizimit të marrëdhënieve ndërmjet Kosovës dhe Serbisë.
“Diskutuam një numër hapash konkretë të nevojshëm për të përshpejtuar normalizimin e raporteve me Kosovën”, shkroi ai.
Spoke to @predsednikrs in the margins of @GLOBSEC. Discussed a number of concrete steps needed to advance normalisation of relations with Kosovo. pic.twitter.com/uIA6Ph7l30
— EUSR for Belgrade-Pristina Dialogue (@EUSR_Dialogue) June 14, 2025
