Smajljaj ironizon me ministren Hajdari: Urime diplomimi, suksese
Politologu Avdi Smajljaj ka ironizuar me ministren Rozeta Hajdari, pas padisë së saj ndaj Nacionales.
Ai ka publikuar foton e saj, duke i uruar “diplomimin”.
“Urime znj. Ministre Diplomimi,suksese të mëtutjeshme!” – ka shkruar ai.
Ndërkohë, Nacionale publikoi incizimet që tregonin dy skandale me dyshimet për keqpërdorim dhe vjedhje në rezerva shtetërore. Ministrja nuk dha dorëheqje, por vendosi ta padisë mediumin.
“Tentimet e dështuara për të cënuar integritetin dhe dinjitetin tim, përmes disa audio-incizimeve por edhe duke i dhënë vehtes të drejtën për të shpifur, duke shantazhuar dhe shpërndarë informacione të pavërteta, do të marrin epilog në organet e drejtësisë." - ka shkruar Hajdari në Facebook.
