Smajljaj për vrasjen e 18-vjeçarit: Çka po e ushqen e po e zhvillon këtë prirje për dashurinë ndaj dhunës?
Profesori Avdi Smajljaj, ka reaguar pas vrasjes së 18-vjeçarit në Podujevës, duke thënë se është shqetësuese rritja e rasteve të sjelljes agresive.
Smajljaj ka thënë se prirja për dhunë është dështim i sistemit të arsimit, politikës, partive e i të gjithve.
“Çka po e ushqen e po e zhvillon këtë prirje për dashurinë ndaj dhunës, ndaj përdorimit të forcës si mjet i pranueshëm në marrëdhëniet me të tjetrin?” – ka shkruar ndër të tjera ai.
Shkrimi i plotë:
Është shumë shqetësuese rritja e rasteve të sjelljes agresive dhe e vlerësimit të dhunës e përdorimit të forcës si vlera të pranueshme në shoqërinë tonë.
Nga kjo çoroditje e dalldisje në të gjitha nivelet e shoqërisë, e në të gjitha institucionet?
Çka po e ushqen e po e zhvillon këtë prirje për dashurinë ndaj dhunës, ndaj përdorimit të forcës si mjet i pranueshëm në marrëdhëniet me të tjetrin?
Kjo prirje për dhunë është dështim i sistemit të arsimit, politikës, partive, shoqërisë civile, mediave, institucioneve fetare, e i të gjithëve.
Shoqëria jonë do të duhej të mësonte nga shoqëritë që kanë punuar shumë për t'u zhvilluar në shoqëri ku dhuna e përdorimi i forcës konsiderohen të papranueshme.
