Skandalizon deputeti i VV-së, e përqesh të folmen e Haradinajt: “Zdhedhjet”, “kambin”

Armiqësia politike e Lëvizjes Vetëvendosje me partitë e tjera, kohëve të fundit ka shkuar deri në atë pikë sa të përqeshin mënyrën e të folurit të akterëve të tjerë politikë.

Së fundi, pas deputetes së VV-së, Fitore Pacolli, kreun e AAK-së, Ramush Haradinaj e ka përqeshur edhe deputeti tjetër i kësaj partie, Adnan Rrustemi.

Duke thënë se kanë filluar zgjedhjet te opozita, ai në vend të fjalës "zgjedhjet", në fakt ka shkruar “zdhedhjet”, dhe në vend të fjalës "kampin", ka shkruar “kambin”.

“Zdhedhjet kanë fillu në kambin opozitar. Ta shofim kush po i fiton zgjedhjet opozitare.” – ka shkruar deputeti i partisë në pushtet.