Sindikata e Policisë i bashkohet Njësisë Speciale Intervenuese, protestojnë nesër para qeverisë

Nesër Njësiti Special Intervenues do të mbajë protestë në ora 12:00 para ndërtesës së Qeverisë së Kosovës.

Kësaj proteste do t’i bashkohet edhe Sindikata e Policisë së Kosovës.

Kështu ka bërë të ditur se Imer Zeqiri për Gazetën Nacionale

“Po, do të jemi në protestë, ku do t’i publikojmë edhe kërkesat tona. Në protestë di t marrim pjesë së bashku me këshillin drejtues të sindikatës.” – ka bërë të ditur Zeqiri.

Ndryshe, njësiti më elitar i Policisë së Kosovës, pra pjesëtarët e Njësitit Special Intervenues, kanë protestuar para ndërtesës së Qeverisë të Kosovës më 1 nëntor, duke kërkuar ndryshim të kategorizimit të vendeve të punës dhe shtesa më të mëdha të rrezikshmërisë.