Shtetasi kosovar ekstradohet nga Kroacia, dyshohet për veprën penale “Dhunim”

Një shtetas kosovar është ekstraduar më 15 gusht nga Kroacia në Kosovë, pasi ndaj tij ishte lëshuar urdhërarrest ndërkombëtar nga institucionet e drejtësisë në Kosovë.

Sipas Policisë së Kosovës, ekstradimi është realizuar nga Drejtoria për Bashkëpunim Ndërkombëtar Policor (ILECU), në koordinim me njësitet përkatëse të Policisë së Kosovës dhe institucionet e drejtësisë.

I ekstraduari dyshohet se është i përfshirë në veprën penale “Dhunimi”.

Pas mbërritjes në Kosovë, ai i është dorëzuar njësive përkatëse policore, të cilat do të ndërmarrin procedurat e mëtejshme ligjore.