Shqipëria ua dyfishon pagën ushtarëve të tyre që shërbejnë në KFOR

Shteti shqiptar ua ka dyfishuar pagën pjesëtarëve të ushtrisë së saj që shërbejnë në Kosovë në kuadër të Misionit Paqembajtës të NATO-s (KFOR), njoftoi Ministri i Mbrojtjes si Shqipërisë, Niko Peleshi, përmes një postimi në faqen e tij në Facebook.

Shqipëria në kuadër të misionit të KFOR-it aktualisht ka të angazhuar rreth 90 trupa.

Postimi i Peleshit:

Angazhimi dhe përkushtimi i efektivëve tanë në 8 misione ndërkombëtare të rëndësishme për sigurimin e paqes dhe stabilitetit rajonal është thelbësor. Dyfishimi i pagave për efektivët e Forcave të Armatosura në misionin e #KFOR në Kosovë tregon qartë angazhimin tonë për të vlerësuar punën e tyre në mënyrë të drejtë. Vazhdojmë të punojmë për të siguruar një rritje të përgjithshme të pagës për të gjithë personelin tonë në misione.

Shqipëria, eksportuese e paqes dhe aleate dinjitoze në NATO. 🇦🇱#DinjitetiUshtarakëve🇦🇱