Shpërthen dhuna tek të miturit: Dy raste të rrahjeve brenda 24 orëve, u përdorën edhe thikat

Dy raste të dhunës mes të miturve janë raportuar brenda 24 orëve në rajonin e Prishtinës.

Në njërin prej tyre, u përdorën edhe thikat.

Njoftimet e Policisë:

LËNDIM I RËNDË TRUPOR

Prishtinë 14.02.2025 – 22:00. Janë arrestuar dy të dyshuar meshkuj kosovarë (njëri i mitur), pasi që ditë më parë kanë sulmuar fizikisht viktimën mashkull kosovar- i mitur. Viktima ka pranuar tretman mjekësor. Me vendim të prokurorit, i dyshuari i mitur është liruar, ndërsa i dyshuari tjetri është dërguar në mbajtje.

LËNDIM I LEHTË TRUPOR

Obiliq 18.02.2025 – 14:00. Janë arrestuar dy të dyshuar meshkuj kosovarë të mitur, pasi që kanë therur me thikë viktimën mashkull kosovar i mitur. Viktima është dërguar në QKUK për tretman mjekësor. Me vendim të prokurorit njëri nga të dyshuarit është dërguar në mbajtje, ndërsa tjetri është liruar në procedurë të rregullt.