Shkrepi aksidentalisht pushkën, një qytetar në Drenas lëndon gishtin e vet
Një incident është raportuar të premten në Drenas, ku një person ka pësuar lëndime në gishtin e dorës pas shkrepjes së një pushke ajrore.
Sipas Policisë së Kosovës, ngjarja ka ndodhur në mënyrë aksidentale.
“Raportohet se i dyshuari mashkull kosovar, aksidentalisht ka shkrepur armën (pushkë ajrore) dhe i njëjti ka lënduar gishtin e dorës”, thuhet në Raportin e Policisë së Kosovës.
Personi i lënduar ka marrë trajtim mjekësor, ndërsa autoritetet kanë ndërmarrë veprimet e nevojshme lidhur me rastin.
“I dyshuari ka pranuar tretman mjekësor, ndërsa me vendim të prokurorit arma-pushke ajrore e kalibrit 4.5 mm është konfiskuar ndërsa rasti vazhdon në procedurë të rregullt”.
