Shefi i BE-së në Kosovë takohet me Terrasin: Angazhimi mbetet i fortë
Shefi i Zyrës së Bashkimit Evropian në Kosovë, Aivo Orav, ka bërë të ditur se në Prishtinë ka mbërritur raportuesi për Kosovën në Parlamentin Evropian, Riho Terras.
Në një njoftim në platformën “X”, Orav tha se pati nderin ta presë Terrasin në mëngjesin e sotëm.
“E mirëprita këtë mëngjes në Prishtinë Riho Terrasin, raportues për Kosovën në Parlamentin Evropian, para takimeve të tij me shumë bashkëbisedues. Angazhimi i BE-së me Kosovën, si në nivel lokal ashtu edhe nga Brukseli, mbetet i fortë si gjithmonë, me mundësi të reja në horizont, përfshirë Planin e Rritjes”, ka shkruar Orav.
