SHBA thotë se e ka vrarë udhëheqësin e ISIS-it në Siri

Një udhëheqës i lartë i ISIS-it në Siri, Maher al-Agal, është vrarë të martën nga një sulm ajror amerikan, pritet të njoftojë ushtria amerikane, sipas televizionit “NBC News”.

Maher al-Agal ishte njëri nga katër udhëheqësit më të lartë të ISIS-it, sipas një zëdhënësi të Komandës Qendrore të ShBA-së.

Në shënjestër të sulmit ishte edhe një zëvendës i tij, por nuk është e qartë nëse ai është vrarë ose është lënduar, thuhet në një deklaratë të Komandës Qendrore.