Selimi komenton refuzimin e Kurtit ndaj Gjermanisë: Sinqerisht jam i hutuar
Petrit Selimi, analist, ka komentuar intervistën e Manuel Sarrazinit, emisar special i Gjermanisë për Ballkanin Perëndimor, ku tregoi se Qeveria e Kosovës ka refuzuar një kompromis në lidhje me CEFTA-n.
Në shkrimin e tij, Selimi ka thënë se është i shtangur, ndërsa ka ftuar që të lexohet intervista e Sarrazinit.
"Një intervistë goxha e befasishme dhe e sinqertë nga emisari gjerman, Manuel Sarrazin, për refuzimin e plotë të kryeministrit të Kosovës për t'u përfshirë në kompromise në Procesin e Berlinit, që mund ta sjellë përjashtimin e Kosovës nga bashkëpunimi rajonal. Jam sinqerisht i shtangur. Njerëzit duhet ta lexojnë këtë" - ka shkruar ai.
Quite an astonishing & candid interview by German envoy @ManuelSarrazin on Kosovo PM complete refusal to engage in compromises in Berlin Process, which may bring exclusion of Kosovo from regional coop. I’m frankly flabbergasted. Folks should read it. https://t.co/TQHh3VkkmZ
— Petrit Selimi (@Petrit) September 6, 2024
