Rrusta: Rizvanolli është arrogante, do të duhej të anulonte vizitat jashtë vendit, të merrej me minatorët

Anëtarja e Partisë Socialdemokrate, Teutë Rrusta, ka shkruar në lidhje me mungesën e ministers Artane Rizvanolli, në takim me minatorët të cilët tash e tetë ditë janë në grevë.

Sipas Rrustës, ministrja Rizvanolli është arrogante.

E plotë:

Rizvanolli është ministre arrogante. Epitomë e këtij pushteti. Sot në orën 11:00 kishte për detyrë raportimin para Komisionit për Zhvillim Ekonomik për situatën e krijuar në Trepçë, me ç'rast të shtruar në spital nga greva e urisë janë rreth 30 punëtorë. E ministrja ka udhëtu jashtë vendit, në vend se ta anulojë çfardo vizite, në kërkim të zgjidhjes për minatorët.