Rusia paralajmëron për kundërpërgjigje ndaj sanksioneve të reja të BE-së

Kremlini tha të premten se do ta studiojë pakon më të re të sanksioneve të Bashkimit Evropian kundër Rusisë dhe pastaj do ta formulojë kundërpërgjigjen.

Udhëheqësit e BE-së u pajtuan të enjten për të ndarë 18 miliardë euro për Ukrainën vitin e ardhshëm dhe për ta goditur Moskën me pakon e nëntë të sanksioneve. Nga masat e reja preken gati 200 persona dhe me to ndalohet investimi në industrinë ruse të minierave, mes ndëshkimeve të tjera.

Zëdhënësi i Kremlinit, Dmitry Peskov, tha se Moska do ta studiojë listën e sanksioneve para se të kundërpërgjigjet, raporton agjencia “Reuters”, përcjell gazeta “Nacionale”.

Senati i Shteteve të Bashkuara ka miratuar një projektligj me të cilin do të ndahen së paku 800 milionë dollarë shtesë nga buxheti i ShBA-së për Ukrainën vitin e ardhshëm.