Rusia ia ndalon hyrjen profesorit amerikan, mikut të Kosovës, Edward Joseph
Profesorit amerikan, Edward P. Joseph, i cili njihet për përkrahjen e Kosovës, i është ndaluar hyrja në Rusi.
“Nga sot, mua zyrtarisht më ndalohet hyrja në Rusi. Duke e irrituar Kremlinin nga këtu në Ballkan. (Mirënjohës ndaj Ministrisë së Jashtme ruse që ma ka shkruar si duhet inicialin tim të mesëm)” – shkroi profesori Joseph në rrjetin X.
As of today, I am officially banned from entering Russia (#42). Getting under the skin of the Kremlin from here in the Balkans. (Grateful to Russian Foreign Ministry for getting my middle initial right.) https://t.co/JiU6UuiHdq
— Edward P. Joseph (@edwardpjoseph) March 15, 2024
Ai shkrimit ia bashkëngjiti edhe vegëzen e njoftimit zyrtar në uebfaqen e Ministrisë së Jashtme të Rusisë, ku është paraqitur lista me 227 amerikanë që u është ndaluar hyrja në Federatën Ruse.
