Rritet numri i viktimave të tërmetit në Tajvan
Agjencia Kombëtare e Zjarrfikësve e Tajvanit ka thënë se numri i të vdekurve nga tërmeti i fuqishëm në ishull ka shkuar në shtatë, raporton televizioni BBC.
Më herët ishte raportuar për katër të vdekur e dhjetëra të lënduar.
Qendra Operacionale e Emergjencave tha se janë regjistruar 101 dridhje të tjera pas tërmetit deri në orën 15:00 sipas kohës lokale.
Zyra e jashtme e Tajvanit ka lëshuar një deklaratë, duke falënderuar për ofertat për ndihmë nga “aleatë e miq” si Japonia e Paraguaji.
