Rrahja mes të rinjve në Lipjan, gjashtë të lënduar

Të shtunën, disa të rinj janë përfshirë në një përleshje fizike në një kafene pranë stacionit të Policisë në Lipjan.

Zëdhënësja e Policisë për rajonin e Prishtinës, Flora Ahmeti, ka dhënë detaje lidhur me incidentin, duke bërë të ditur se nga rrahja janë lënduar gjashtë persona, të cilëve u është ofruar ndihma mjekësore.

Sipas Ahmetit, katër persona të dyshuar janë shoqëruar në stacionin policor për intervistim.

“Sot, rreth orës 11:30, është pranuar një informacion për një përleshje në një lokal në Lipjan. Menjëherë pas marrjes së informatës, njësitet policore kanë dalë në vendin e ngjarjes. Si pasojë e rrahjes, gjashtë persona janë lënduar dhe kanë marrë trajtimin e nevojshëm mjekësor. Dy nga të lënduarit, nën përcjellje të policisë, po marrin trajtim në QKUK, ndërsa katër të tjerë pas ndihmës së parë janë shoqëruar në polici për intervistim” – ka thënë Ahmeti për Klan Kosova.

Policia po vazhdon hetimet për të sqaruar rrethanat dhe motivet që kanë çuar në këtë incident.