Reagon Lista Serbe, pretendon se Policia e Kosovës shkrepi 30 plumba në veri
Lista Serbe ka reaguar pas zhvillimeve të sotme në veri, ku Policia ka shtënë me armë zjarri ndaj një veturë në Mitrovicë të Veriut, shoferi i së cilës e goditi një zyrtar policor.
Përmes një komunikate, Lista Serbe pretendon se siguria e qytetarëve u ërcënua nga ky zhvillim, ani se policia e Kosovës bëri të ditur se i dyshuari kishte lëndë narkotike në veturë.
“Dënojmë fuqishëm përdorimin e sotëm të armëve të zjarrit nga policët e Kosovës në pjesën e populluar të Mitrovicës gjatë ndjekjes së një veture nëpër rrugët e qytetit, si rezultat i së cilës siguria e familjeve serbe që ishin në rrugë dhe në banesat familjare u kërcënuan drejtpërdrejt.” – thuhet në komunikatën e tyre.
Tutje, Lista Serbe ka pretenduar se janë shkrepur tridhjetë plumba.
“Tridhjetë plumba të shkrepura nga policët e Kosovës përfunduan në dritaret e dhomave të fëmijëve dhe të banimit të shtëpive familjare, shkatërruan fasadat e ndërtesave dhe shkaktuan frikë e ankth te qytetarët tanë.” – thuhet tutje.
Tutje në komunikatë, shkruan si vijon:
“Për të mos pasur konfuzion, absolutisht nuk mbështesim askënd që kryen vepra penale, por gjithashtu kërkojmë që në punën e policëve të respektohen rregullat për zbatimin e punës së policisë, të cilat tregojnë qartë se nuk lejohet. për të rrezikuar jetën e qytetarëve dhe fëmijëve. Një uniformë e asnjë lloji nuk duhet të jetë mbulesë për veprat kriminale të atyre që e veshin atë”.
