Raportohet për shpërthim në Varagë të Zubin Potokut, dëmtohet kanali i ujit të Ibër-Lepencit
Një shpërthim i fuqishëm, sipas “Kosova Press”, është dëgjuar mbrëmjen e së premtes në fshatin Varagë të Zubin Potokut.
Mediumi raporton se është dëmtuar kanali i ujit të Ibër-Lepencit.
Zëvendës drejtori i policisë për rajonin e veriut, Veton Elshani, ka konfirmuar rastin.
"Po, është dëgjuar një shpërthim në kanalin e ujit dhe ekipet policore janë duke punuar që sa më shpejtë ta ndriçojnë rastin.” – citohet se ka thënë Elshani.
Po ashtu, raportohet se uji ka nisur të rrjedhë nga kanali në mënyrë të pakontrolluar.
