Ramadani: Ligji mbi të gjithë, prokuroria meriton mbështetjen institucionale e publike
Ish-kryeinspektori i AKI-së, Burim Ramadani ka reaguar pas bastisjes së Prokurorisë Speciale në Ministrinë e Bujqësisë.
Në një shkrim në rrjetin social Facebook, Ramadani ka thënë:
“Prokuroria gjithnjë meriton mbështetjen institucionale dhe publike.
Ligji është mbi të gjithë!”.
Theksojmë se Prokuroria Speciale e ka konfirmuar se Faton Peci po intervistohet.
Lajmin e ka konfirmuar zyra për media e Prokurorisë.
Nacionale raportoi se Peci po intervistohet nga Njësia e Veçantë Hetimore.
Prokuroria ka bërë të ditur se dyshimet janë pas raportimeve për fabrikën e mbetjeve shtazore.
“Ju njoftojmë se Policia e Kosovës, me urdhër të Prokurorisë Speciale të Republikës së Kosovës është duke zhvilluar bastisje në katër lokacione. Bastisjet po zhvillohen mbi dyshimet per Fabrikën për përpunimin e mbetjeve shtazore. Për detaje të tjera, publiku do të njoftohet gjatë ditës” - ka thënë Nora Luta, zëdhënëse e Prokurorisë Speciale.
