Rada Trajkoviq: Radojçiqi ndihmoi Vjosa Osmanin të bëhet Presidente
Këshilltarja në Ministrinë për Komunitete dhe Kthim, Rada Trajkoviq, ka folur për ngjarjet e fundit në veri të Kosovës për agjencinë serbe të lajmeve “Beta” ku ka thënë se Presidenti i Serbisë, Aleksandar Vuçiq, e “ka ngritur në pushtet në Kosovë grupin mafioz të Milan Radojçiqit”.
“Radoiçiq është dëshmitar i pavolitshëm si për institucionet e Vuçiqit ashtu edhe për Prishtinën. Ai ndihmoi Vjosa Osmanin të bëhej presidente e Kosovës dhe Kurtin kryeministër. Radoiçiq negocioi zgjidhje ligjore me ta në parlamentin e Kosovës dhe ishte i afërt edhe me liderët e mëparshëm të Kosovës. Aq sa ishte Radoiçiq me ndikim në sistemin serb, ai kishte aq fuqi në staf në sistemin e Kosovës”, tha ajo, siç e citoi “Danas”.
