QUINT-i mbështet grupin serb që e kritikoi Besnik Bislimi: Partnerë të besueshëm
Ditë më parë, Besnik Bislimi, zëvendëskryeministër në Qeverinë e Kosovës, kritikoi Miroslav Lajçakun, i dërguar i posaçëm i BE-së për dialogun mes Kosovës dhe Serbisë, dhe një grup të serbëve lokalë, të cilët realizuan një takim në Bruskel.
Ambasadorët e QUINT-it janë takuar me këtë grup të serbëve dhe me zëvendësin e Avokatit të Popullit.
“Ambasadorët e QUINT-it [SHBA-ja, Britania e Madhe, Gjermania, Franca, Italia] dhe BE-së vlerësojnë mundësinë për t’u takuar sot me zëvendësin e Avokatit të Popullit dhe përfaqësuesit e komunitetit serb të Kosovës – të cilët janë partnerë të besueshëm në përpjekjet tona të përbashkëta për përmirësimin e të drejtave të njeriut dhe marrëdhënieve ndëretnike për Kosovën”, ka shkruar ambasadori i Gjermanisë në Kosovë, Jorn Rohde, në rrjetin social “X”.
Quint and EU Ambassadors appreciated the opportunity to meet today with the Deputy Ombudsperson and representatives of the Kosovo Serb community – all of whom are trusted partners in our shared efforts to advance human rights and interethnic relations in Kosovo. pic.twitter.com/HtPfD9KBxx
— Ambassador Jörn Rohde (@GermanAmbKOS) February 16, 2024
