Qëllohen me armë disa njerëz në Uashington, afër Shtëpisë së Bardhë
Disa persona u qëlluan me armë të mërkurën në Uashington të Shteteve të Bashkuara, përfshirë të paktën një anëtar të Gardës kombëtare, sipas një burimi të afërt me raportimet e hershme dhe sipas një zyrtari të sundimit të ligjit.
Të shtënat ndodhën në qendër të kryeqytetit amerikan, afër Shtëpisë së Bardhë. Policia Metropolitane tha në rrjetin X se është në vendin e të shtënave dhe i këshilloi njerëzit që ta shmangin zonën, raporton televizioni CNN.
Garda Kombëtare nuk iu përgjigj menjëherë një kërkese për koment. Rrethanat e të shtënave nuk janë menjëherë të qarta.
Pjesëtarë të Gardës Kombëtare nga disa shtete amerikane kanë qenë në Uashington me muaj si pjesë e planit të presidentit Donald Trump për ta shtypur krimin në kryeqytet. Plani është zgjeruar edhe në qytete të tjera.
Televizioni CNN u ka dërguar pyetje për t’u kërkuar koment Pentagonit, Gardës Kombëtare, Shtëpisë së Bardhë dhe Policisë Metropolitane të Uashingtonit.
