Politikanët turq publikojnë hartën e Turqisë me ishujt grekë brenda saj, Greqia kërkon sqarim nga Erdogan
Kryeministri i Greqisë, Kyriakos Mitsotakis, ka reaguar pas publikimit të një harte nga disa politikanë turq të cilët njëkohësisht janë pjesë e koalicionit të Erdoganit.
Në hartën që politikanët e mbajnë në dorë, disa ishuj grekë shihen si pjesë e Turqisë.
Mistorakis kërkoi shpjegim nga presidenti i Turqisë, Rexhep Taip Erdogan.
“Shikoni mirë këtë hartë. Kreta, Rodosi, Lesvosi, Kios, Samos të gjitha të konsumuara nga Turqia. Një ëndërr e ethshme e ekstremistëve apo politika zyrtare e Turqisë? Një tjetër provokim apo synim i vërtetë? Presidenti Erdogan duhet ta bëjë të qartë pozicionin e tij për veprimet e fundit të partnerit të tij të vogël të koalicionit”, ka shkruar Mitsotakis.
Take a good look at this map. Crete, Rhodes, Lesvos, Chios, Samos all consumed by Turkey. Α fever dream of extremists or Turkey’s official policy? Another provocation or the true goal?
— Prime Minister GR (@PrimeministerGR) July 11, 2022
President Erdogan must make his position clear on his junior coalition partner's latest antics. pic.twitter.com/hX4sSZ924j
